Kyoto Sangyo University is one of the leading Universities of Japan. Ten Students of the university are on the visit of India. Joshi Bedekar College, Thane has signed MoU with the university under cultural exchange program . Every year the students visit the Thane Campus.
I have been privileged to be a part of it. I served as a language trainer to these Japanese Students.
The detailed syllabus designed for the same and my profile is uploaded on the Viday Prasarak Mandal, Thane Websit (www.vpmthane.org)
My Profile as a Language trainer
http://www.vpmthane.org/VPM/VPM_Kyoto_Sangyo_Exchange_Program/Kyoto_Sangyo_final.pdf
भारताचा जपानी अभ्यास
क्योटो सांग्यो विद्यापीठाचे विद्यार्थी भारत दौऱ्यावर
म. टा. प्रतिनिधी, ठाणे
पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या दौऱ्यांमुळे जपानशी राजकीय व आर्थिक संबंध आणखी दृढ होत असतांना जपानचे विद्यार्थी भारतीय संस्कृतीच्या अभ्यासासाठी ठाण्यातील जोशी-बेडेकर कॉलेजात दाखल झाले आहेत. या भेटीत त्यांना हिंदी भाषेसह जगाला निरोगी आरोग्यासाठी भारताने दिलेली देणगी म्हणजेच योग, भारतीय खानपान तसेच वैचारिक आदान-प्रदान व सांस्कृतिक कार्यक्रमांच्या वैभवाची ओळख करून दिली जात आहे.
जपानमधील क्योटो सांग्यो हे नामांकीत विद्यापीठाचे आशियायी अध्ययन केंद्र व विद्या प्रसारक मंडळ, ठाणे यांच्यात सांस्कृतिक आदान प्रदानाचा करार झाला आहे. त्यानुसार दरवर्षी या विद्यापीठाचे विद्यार्थी या कॉलेजच्या भेटीला येतात. सन २०१२ पासून दरवर्षी या विद्यीपाठाचा चमू ठाण्यात येतो. त्यानुसार या केंद्राचे प्रमुख डॉ. क्युओकोनी शिगा व त्यांचे सात जपानी विद्यार्थी ३१ ऑगस्ट ते ११ सप्टेंबर या कालावधीसाठी ठाणे दौऱ्यावर आले आहेत.
या दौऱ्यासाठी कॉलेजतर्फे अत्यंत अभ्यासपूर्वकरित्या भारतीय संस्कृतीची ओळख व्हावी असा अभ्यास व दिनक्रम तयार करण्यात आला आहे. सकाळी ८. ३० पासून एक तास योगासने वर्ग, १० ते दुपारी १२ पर्यंत हिंदीचा वर्ग, १२ ते १ वाजेपर्यंत भारतीय जेवण, दुपारी २ ते ३ पर्यंत इंग्रजी संभाषण कौशल्य वर्ग व त्यानंतर ३ ते ५ या वेळेत विद्या प्रसारक मंडळातील सर्व संस्था व कॉलेजातील विद्यार्थी, प्राध्यापकांसोबत त्यांची चर्चा व वैचारिक आदानप्रदान होते. या दौऱ्याच्या शेवटी शुक्रवारी जपानी विद्यार्थी हिंदी भाषेतून स्वतःची ओळख करून देणार असल्याची माहिती कॉलेजतर्फे देण्यात आली. सकाळी १० वाजता या कार्यक्रमाचा समारोप होणार आहे.
जोशी-बेडेकर कॉलेजचे डॉ. सुधाकर आगरकर या दौऱ्याचे समन्वयक म्हणून काम पाहतात. त्यांच्यासह हिंदी भाषेचे प्राध्यापक डॉ. अनिल ढवळे, डॉ. जयश्री सिंग, इंग्रजीच्या प्रा. तन्वी पोखरे, प्रा. प्रशांत धर्माधिकारी, मंजू थॉमस व योग शिक्षिका विजया खरे यांचे मोलाचे योगदान लाभले आहे.
http://maharashtratimes.
