मुस्लिम मनाचा शोध
शेषराव मोरे
थोडसं पुस्तकाविषयी
मुस्लिम मन मुख्यतः इस्लाम मधून घडलेले आहे. मुस्लिम मनाचा शोध म्हणजे पर्यायाने इस्लामचा अभ्यास होय. इस्लामचा अभ्यास म्हणजे मूलतः हा तीन गोष्टींचा अभ्यास . मोहम्मद पैगंबर यांचे चरित्र , कुराण व हदीस. या तिन्ही गोष्टी परस्पर आधारित आहेत. पैगंबर चरित्राचा अभ्यासाशिवाय कुराणातील आदेशांचा संदर्भ लागत नाही. हदीसचा अभ्यास केल्याशिवाय कुराणातील वचनांचा अर्थ कळत नाही. या तीन गोष्टी परस्परात एवढ्या गुंफलेल्या आहेत की त्या अविभक्त व एकजीव झालेल्या आहेत. या सर्वांचा एकत्रित व सर्वांगीण अभ्यास केला तरच इस्लामचे सम्यक आकलन होऊ शकते .असा अभ्यास करून बिगर मुस्लिम भारतीय लेखकाने लिहिलेला हा पहिलाच ग्रंथ आहे. हा ग्रंथ केवळ अभ्यासपूर्ण नसून तो वस्तुनिष्ठ पद्धतीने तटस्थ वृत्तीने व निष्पक्षपणे लिहिलेला आहे. हिंदू धर्माची प्रशस्ती इस्लाम वर टीका करण्यासाठी नसतानाही तो हिंदू वाद्यांना भावलेला आहे. इस्लामचा गौरव करण्यासाठी नसतानाही तो मुस्लीम पंडितांनी गौरवलेला आहे. समाजवाद्यांनाही तो अभिनंदनीय वाटलेला आहे. वस्तुतः या सर्वांना पसंत पडेल असा इस्लामवर ग्रंथ लिहिणे हेच एक आश्चर्य होते. म्हणूनच या ग्रंथाची अगोदर खाजगी स्वरूपाची अभिप्राय आवृत्ती काढलेली होती. हे आश्चर्याचा वास्तव बनून या ग्रंथाच्या रुपाने समोर आले आहे.
भारतासारख्या बहुधर्मीय देशात सामंजस्य व राष्ट्रीय एकात्मता या मूल्यांसाठी परस्परांचे मन वरचे घडवणारे धर्म समजून घेऊन या मूल्यांसाठी निर्माण करण्यात आलेल्या भारतीय राज्यघटनेच्या मर्यादित आपापले धर्म कसे पाहता येतील यांचा विचार केला पाहिजे . हा ग्रंथ म्हणजे या दृष्टीने केलेला एक प्रयत्न आहे.
संदर्भ : मलपृष्ठ: मुस्लिम मनाचा शोध
प्रकाशक: संगत प्रकाशन, नांदेड
प्रत्येक मराठी भाषकाने आवर्जून वाचावा असा ग्रंथराज आहे।
कोई टिप्पणी नहीं:
एक टिप्पणी भेजें